Tue Dec 12, 2023 10:56 PM 1ST
Location
Sign In
10 Jun 2024 17:23 IST
Share News :
കൊല്ലം : അശാസ്ത്രീയമായ റോഡ് പണി നിർത്തി വെയ്ക്കണമെന്ന് ആവശ്യപ്പെട്ടുകൊണ്ടു് പ്രദേശവാസികൾ ചെളിക്കുണ്ടായ റോഡിൽ ഉരുണ്ടു് പ്രതിഷേധിച്ചു.
പത്തനാപുരം ഏനാത്ത് റോഡിലെ ശോചനീയസ്ഥയിൽ റോഡിലെ ചെളിയിൽ ഉരുണ്ടാണ് നാട്ടുകാർ പ്രതിഷേധിച്ചത്. മിനി ഹൈവേ പാതയിൽ ജർമൻ സാങ്കേതിക വിദ്യയിൽ നവീകരിക്കുന്ന റോഡിൻ്റെ നിർമ്മാണം അശാസ്ത്രീയമെന്നാണ് നാട്ടുകാരുടെ ആരോപണം. കരാർ കമ്പനിക്കെതിരെ രംഗത്തെത്തിയ ജനങ്ങൾ ചെളിയിൽ ഉരുണ്ട് പ്രതിഷേധമറിയിക്കുകയായിരുന്നു. പട്ടാഴി വടക്കേക്കര ബദാം മുക്കിന് സമീപത്തായിരുന്നു പ്രതിഷേധം. പത്തനാപുരത്ത് നിന്നും മഞ്ചള്ളൂർ കുണ്ടയം കടുവാത്തോട് വഴി ഏനാത്ത് എത്തുന്നതാണ് നിർദ്ധിഷ്ട റോഡ്. ഒന്നര വർഷത്തിലധികമായി സഞ്ചരിക്കാൻ പറ്റാത്ത രീതിയിൽ നിർമ്മാണം നടത്തുന്നതും ബസ് സർവ്വീസുകൾ നിർത്തലാക്കിയതും നാട്ടുകാരെ ബുദ്ധിമുട്ടിലാക്കിയിട്ടുണ്ട്. ഇതിനെ തുടർന്നാണ് ചളിയിൽ ഉരുണ്ടുകൊണ്ടുള്ള നാട്ടുകാരുടെ പ്രതിഷേധം ഉണ്ടായത്
Follow us on :
Please select your location.
